Escenas do cambio 2026 imaxina as artes escénicas como territorio en transformación continua, como lugar de revelación, resistencia e esperanza. Dámoslle a este lugar-tempo un nome: Revelesencia. Situamos nel o descubrimento, a suma de saberes, a diversidade de corpos, linguaxes e miradas cos que construír unha cosmogonía viva que busque a esencia das cousas e recoñeza a súa capacidade de renovación. Do 7 ao 10 de maio, convocamos a artistas, públicos e prácticas que entenden a creación como unha forma de coidado, de escoita e de recomposición do presente.