Unha oportunidade para afondar, antes da súa estrea en España dentro do festival, en Exposure, nun encontro aberto entre artistas e público. Coa participación dos coreógrafos Julio Cesar Iglesias Ungo (Danza Contemporánea de Cuba) e Hans van den Broeck, acompañados do músico australiano Ben Frost, coñeceremos como se formou  a “coalición das de cinco puntas” que deu orixe á peza.

Trátase dunha alianza artística sen precedentes entre cinco visións, cinco forzas creativas distintas, que se encontraron por primeira vez neste proxecto. Por un lado, a compañía Danza Contemporánea de Cuba, con toda a súa riqueza, corpo e identidadr; por outro, a compañía alemá de vangarda en hip hop Urban Arts Ensemble Ruhr, que trae a súa forza urbana e a súa linguaxe propia. A elas súmase o universo sonoro do compositor Ben Frost, que abriu paisaxes emocionais profundas coa súa música. E finalmente a mirada escénica do artista e bailarín belga Hans Van den Broeck e do cubano Julio César Iglesias, creador e ponte entre todos estes mundos.

“Esta foi a primeira vez que traballamos desta forma, nun proceso que puxo a Exposure no centro como experiencia compartida, non como un produto terminado. O fundamental aquí non foi o que se ve na escena, senón como chegamos ata aló. O traballo dividiuse en dúas fases esenciais: unha en Cuba, onde se construíu desde a perspectiva da illa, desde as nosas raíces e códigos; e a outra en Alemaña, onde se incorporou a visión europea, outra enerxía, outra realidade. Ese ir e vir entre dous territorios tan distintos xerou unha ponte cultural. Un espazo común onde o cubano, o alemán, o australiano, o urbán e o contemporáneo non compiten, senón que se entrelazan. E penso que iso é o máis potente de Exposure: que logra ser unha linguaxe colectiva, unha obra que respira desde moitas voces pero di algo en común.” – Julio Cesar Iglesias Ungo.

Acceso libre ata completar capacidade.