Fuga para o tempo presente – O leve poder da lua apenas queima os olhos
Nuisis ZobopXoves 8 de maio 18.15h
Cidade da Cultura | Museo Centro Gaiás, Sala 1
Combinando danza e filosofía, Fuga para o tempo presente – o leve poder da lua apenas queima os olhos concibe a danza como ethos e impermanencia, vertixe no agora, finitude de entes precipitados, presencia fráxil, metamorfose do momentáneo, acontecemento irrepetible*.
Unha experiencia mítica, de danzar con delirio e rigor ético o íntimo sentir que é feito, de centrar agora a “pegada dixital para a eternidade”, contra a desaparición do humano e do natural que a xeopolítica evidencia (Xenocidio, Guerra, Fascismo, Desastre Climático, Explotación/Dominación, Tecnocracia/Vixilancia), asasinando presentes, activando o horror, esixindo respostas de alteridade contra a ameaza/fin, para que a danza desbanalice o mal presente, o noxo do monstruoso, artisticamente centradas no corazón da Danza. Permitindo a rebelión dos outros en nós.
*O proxecto convoca o patrimonio poético e filosófico portugués de Eudoro de Souza, H. Helder, E. Lourenço, Al Berto, Pessoa, C. Pessanha e o da filosofía occidental/oriental comprometida de Heidegger, Benjamin, Levinas, Foucault, Kierkegaard, Arendt, Weil, Bordieu e Nishida.
— A partir de 6 anos
Nuisis Zobop
Nuisis Zobop é unha estrutura de creación, experimentación e investigación en artes escénicas/danza creada polos coreógrafos e investigadores Hugo Calhim Cristóvão e Joana von Mayer Trindade. Desenvolve regularmente laboratorios de investigación sobre o oficio e a arte do bailarín/performer cunha metodoloxía propia e un enfoque único, marcado pola confluencia de linguaxes entre a danza e o teatro físico occidental e oriental. Constrúe pezas escénicas non convencionais orientadas á innovación, articulando sempre creación, investigación, formación e edición.
Con catorce creacións, catro libros publicados, múltiples cursos de formación, seminarios e congresos organizados, así como dúas seccións/metodoloxías de investigación escénica en acción, Nuisis Zobop busca a valorización e dignificación social e artística da danza como arte insubstituíble.
Na súa actividade colabora con organizacións clave da escena cultural e académica portuguesa, ampliando os seus horizontes artísticos con outras formas de facer e investigar a través de estancias prolongadas en Francia, Berlín, India e Xapón, entre outros países.