LA CURA
Julio César Iglesias Ungo, Incolballet, Compañía Colombiana de Danza ContemporáneaSábado 9 de maio 21h
Cidade da Cultura | Museo Centro Gaiás, sala 1
La Cura é unha peza de danza que se constrúe desde a comprensión de que todo proceso de cambio, transformación e renacemento implica unha forza que pode parecer violenta, pero que é esencialmente natural. Así como os volcáns modelan a terra ou o nacemento ocorre entre dor e sangue, a vida maniféstase nun constante equilibrio entre caos e orde.
A peza revela que o sandar e volver conectar coa nosa esencia non son camiños suaves nin lineais, senón experiencias de ruptura e sacudida interna que nos obrigan a confrontar o máis cru do noso ser. Non se idealiza a transformación; exponse na súa totalidade: a loita, a ruptura, a resistencia, e tamén a beleza que emerxe da entrega. É unha viaxe onde o corpo convértese en territorio de tensión entre ferida e curación, convidando o espectador non só a observar, senón a sentir en si mesmo ese tránsito profundo e visceral.
Julio César Iglesias Ungo.- Egresado da Escola Nacional de Danza (Cuba) como bailarín e profesor de danza moderna e contemporánea. É coreógrafo residente de Danza Contemporánea de Cuba, de Tanzhaus NRW Dusseldorf, e en Pumpenhaus Munster, ambas en Alemaña. Participou tamén en compañías como Unusualʼs Symptoms (Samir Akika), La Intrusa (Damián Muñoz e Virginia García), Última Vez (Wim Vandekeybus), Susana Linke, Soit Company (Hans Van Den Broeck), A Macana- (Alexis Fernandez e Caterina Varela), Renegade Company e Helka (Helder Seabra). Como mestre, desenvolveu nos últimos anos un método chamado “inner tools” (ferramentas internas). É mestre habitual en MTD School of Amsterdam (Holanda), ARTEZ Academy for Theatre and Dance (Holanda), ZZT Cologne (Alemaña) e Tanzhaus NRW Dusseldorf (Alemaña).
Compañía Colombiana de Danza Contemporánea.- Fundada no ano 2015, destácase polo seu compromiso coa excelencia artística e a promoción da danza contemporánea en Colombia. Cun elenco composto principalmente por bailaríns egresados do Instituto Colombiano de Ballet Clásico INCOLBALLET, a compañía busca fomentar un ambiente de colaboración onde artistas de diversas orixes e estilos poidan contribuír á riqueza e variedade das súas producións.
Participou en numerosos eventos nacionais en Colombia e en festivais internacionais de Cuba, Ecuador ou Surinam, entre outros. Tamén contou coa participación de coreógrafos internacionais como Jorge Abril Santander, Julio César Iglesias Ungo, Davy Brun, Redha Benteifour, Susana Pous, Mathieu Guilhaumon ou Arlai González. Conta cun amplo repertorio de obras de danza contemporánea, entre elas: La Cura, 18+1, el Ruido del Silencio, Haka, La Hora Azul, Lak, El Vacío, Oʼclock, Luz Púrpura, Mentiras que son verdades, Armentum, Mal de Vivre, Que me parta un Rayo.
INCOLBALLET.- O Instituto Colombiano de Ballet Clásico é unha entidade do Valle del Cauca, líder nacional na formación artística en danza. Desde 1978 ofrece o bacharelato artístico en Ballet Clásico, abrindo oportunidades a nenos, nenas e mozas con talento, sen distinción de orixe, e marcando un fito na democratización do acceso a esta arte.
Organízase ao redor de tres liñas de acción: a formación, a produción artística e a extensión. A presenza das compañías artísticas en ballet clásico e en danza contemporánea complementa o ciclo formativo, inspirando aos estudantes e á comunidade xeral coas obras que producen cada tempada, desenvolvendo audiencias que recoñezan o valor artístico da danza, a súa función social, así como o tecido pacífico e multicultural que une e xesta a súa identidade.