Unha liña horizontal proxectada na pantalla treme. De súpeto, a liña multiplícase drasticamente coma se descargase a súa enerxía inmanente. Do mesmo xeito, cando Umeda treme no escenario, a enerxía oculta retida no seu corpo transmítese desde a pelvis á columna vertebral, aos brazos, e finalmente á pantalla, na que a enerxía se visualiza mediante liñas curvas que lembran unha coroa solar.

Cando as fervenzas e os ríos se ven de lonxe, parecen manter formas estáticas; con todo, cando un fai zoom sobre os mesmos obxectos a nivel microscópico obsérvase que están formados por movementos incesantes tales como ondas, vórtices e contracorrentes.

Baseado neste concepto creativo, en Intensional Particle, Umeda reinterpreta as partículas no espazo como moléculas non estáticas, senón como ‘partículas activas (ou puntos de masa)’; e, visualiza, no espazo, a «forza intensional» que as partículas ocultan. As formas transitorias das partículas dixitais que formulan imaxes de sólidos disolvéndose, sublimación de líquidos e algoritmos de transferencia de temperatura e calor, sincronízanse e sintetizan cos movementos de Hiroaki, producindo un universo enteiro que baila como un organismo vivo.

O residuo de calor que ferve a lume lento despois da experiencia dunha sobrecarga de información como esta permanecerá moito tempo nos corpos do público.

Hiroaki Umeda

Nado en Toquio en 1977 é un artista multidisciplinar que traballa a coreografía e a creación sonora e visual. O seu traballo é á vez minimalista, radical, sutil e violento e está creado para ser “experimentado” de forma directa, encarnando a fusió n perfecta entre o movemento e as novas tecnoloxías. Durante máis dunha década Umeda, desde a súa compañía S20, explorou as interseccións entre corpo e mente, os sentidos e o espazo-tempo nos seus coreografías e instalacións.

ENTRADAS