Un encontro interxeracional entre profesionais da escena, xestores culturais e artistas para conversar sobre o que xa foi, o que está a ser e o que se espera no futuro para as artes escénicas.
Están convidadas a participar nesta conversa artistas, profesionais das artes escénicas, alumnado e profesorado vinculado á Escola Superior de Arte Dramática e ao Sistema Universitario Galego.
Nun ambiente de confianza e reciprocidade, debateranse cuestións como os cambios fundamentais que teñen vivido nas últimas décadas as artes escénicas e os profesionais do sector, ou a influencia do contexto social na creación, revisión e programación das obras, entre outros.
