Un poema escénico escrito e dirixido por Roberto García de Mesa e interpretado por Ylenia Quintero, Delia Hernández e Ylenia de Luis acerca de catro dualidades que afectan profundamente ao ser humano hoxe en día: o corpo-non corpo; a soidade-non soidade; a opresión-non opresión e o tempo-non tempo.
Roberto García de Mesa
Roberto García de Mesa (Santa Cruz de Tenerife, Illas Canarias) é poeta, dramaturgo, narrador, ensaísta, filólogo, comisario de exposicións, director de escena, artista visual e músico. Licenciado en Dereito, Filoloxía Hispánica e Doutor en Filoloxía Hispánica, ten publicados máis de setenta libros de poesía, teatro, narrativa breve, ensaio, conversacións, obra gráfica e edicións críticas, así como cinco CDs coas súas composicións musicais Textos seu traducíronse a varios idiomas: inglés, grego, rumano, francés, italiano, eslovenio, alemán e portugués, e publicou en revistas de 19 países. Creou a súa propia compañía de teatro en 2015 e é académico da Academia das Artes Escénicas de España.
Unha vintena de pezas súas foron levadas á escena, tanto pola súa propia compañía como por outros grupos. Entre elas, Meditaciones en (6) (2008), El no actor (2011), Hamlet post scriptum (2012), La edad del frío. Conversaciones con Antígona (2015), 1/3, Refugio, Luminarias, Oratorio on/off, Isla mínima (2018), Naturaleza muerta sobre fondo blanco, Segismundo golpea primero, Variaciones de la razón (2022). Gran parte dos seus textos destinados para a escena foron editados e publicados en editoriais especializadas. As súas últimas publicacións inclúen Variaciones de la razón y otros textos (Ediciones Invasoras, 2020), Obras de teatro. Selección (Roma, traducido ao grego por Ifigenia Ntoumi, 2021) e Combate después del paisaje (Invasoras, 2023).
Ademais de traballar no ámbito da creación, ten investigado algunhas da correntes renovadoras das artes escénicas dos séculos XX e XXI. Como resultado, publicou numerosos artigos, ensaios e a súa tese de doutoramento, El teatro de vanguardia en Canarias 1924-1936 (Idea, 2012).
